Jeevan

Jab hawayein use puri tarah loot chuki thin
tab meine use poocha thaa kya
tumehe in hawaon se shikayaat nahi hoti
Mene dekha thaa jab ek ek kar phool gir rahe the
patte sab jhar rahe the
tab tum chup the
jab need ke panchi tumhe chod kar jaa rahe the
tum tab bhi chup the
usne dhire se kaha aisa nahi ki
mujhe girte phoolon ko rok lene ka man nahi karta
ya ki panchiyon ke jaane se mujhe dard nahi hota
par mein panchiyon ki aankhon mein
apne liye prem dekh rah jaata hoon chup
ki mere rone ke swar mein kahin door se aati
panchiyon kee madhur avvaz dab naa jaye
aur is tarah mein yaaden shaejkar rakhtaa hoon
hansne gaane gunguna ne ki !
mere liye patjhar jeevan ka ant nahi
agaami basant ki tayiaari hai !!


Alok Jain

Better than mine

I had ignored her for days,
But never she missed me greeting
with the chippings and warbles
Disturbed with the noise ,
ousted her out of my study
And now there is no one to greet
no one to wake me up with the first sun ray
no one to sing me a song
There is a silence but the things are still
Won't you come back,
as I realize that your noise was
better than this deadly silent
and still world of mine.

jo beet gayi so baat gayi

Jeevan Main Ek Sitara Tha
Maana Vah Behad Pyara Tha
Vah Doob Gaya To Doob Gaya
Ambar Kay Aanan Ko Dekho
Kitne Iskay Taare Toote
Kitne Iskay Pyare Choote
Jo Choot Gaye Fir Kahan Mile
Par Bolo Toote Taaron Par
Kab Ambar Shok Manata Hai
Jo Beet Gayi So Baat Gayi

Jeevan Main Vah Tha Ek Kusum
They Us Par Nitya Nichavar Tum
Vah Sookh Gaya TO Sookh Gaya
Madhuvan Ki Chaati Ko Dekho
Sookhi Kitni Iski Kaliyan
Murjhaayi Kitni ballriyan
Jo Murjhayi Woh Fir Kahan Khili
Par Bolo Sookhe Phoolon Par
Kab Madhuban Shor Machata hai
Jo Beet Gayi So Bat Gayi

jeevan Main Madhu Ka Pyala Tha
Tumnay Tan Man De Daala Tha
Wah Toot Gaya To Toot Gaya
Madiralya Kay Aangan Ko Dekho
Kitne Pyale Hil Jaate Hain
Gir Mitti Main Mil Jaate Hain
Jo Girte Hain Kab Uthte Hain
Par Bolo Toote Pyalo Par
Kab Madiralaya Pachtata Hai
Jo Beet Gayi So Baat Gayi

Mridu Mitti Kay Hain Bane Hue
Madhu Ghoot Phoota Hi Kartay Hain
Laghu Jeevan Lekar Aaye Hain
Pyale Toota Hi Karte Hain
Fir Bhi Madiralaya Kay Andar
Madhu Kay Ghat Hai Madhu Pyale Hain
Jo Madakta Kay Maare Hain
Vey Madhu Loota Hi Kartay Hain
Va Kachcha Peene Wala Hai
Jiski Mamta Ghat Pyalon Par
Jo Sachchey Madhu Sey Jala Hua
Kab Rota Hai Chillata Hai
Jo Beet Gayi So Baat Gayi


~haribansh ray bacchan

kuch sapno ke mar jaane se jeevan nahi mara karta hai

I start with my favourite poem really a great one by Neeraj ji


Chip Chip ashru bahaane waalon
Moti vyarth lutane waalon !
Kuch sapnon ke mar jane se jeevan nahin mara karta hai

Sapnaa kya hai ? Nayan sez par,
Soya hua aankh ka paani
Aur tootna hai uska jyon
Jage kachchi neend jawani
Geelee umar banaane walon! Doobe bina nahaane waalon
Kuch pani ke bah jane se saawan nahin mara karta hai

Mala bikhar gayi to kya hai
Khud hi hal ho gayi samasyaa
Aansoo gar neelaam huye to
Samjho poori huyi tapasyaa
Roothe divas manaane walon! Phati kameez silaane waalon!
Kuch deepon ke bujh jaane se aangan nahin mara karta hai

Khota kuch bhi nahin yahan par
Kewal zild badaltee pothee (pothee –book)
Jaise raat utaar chandani
Pehne subah dhoop ki dhoti
Vastra badal kar aane waalon ! Chaal badalkar jaane waalon!
Chand Khilounon ke khone se bachpan nahin maraa karta hai

Laakhon baar gagriyaan phooteen
Shikan na aayi panghat par
Lakhon baar kishtiyaan doobeen
Chahal-pehal waisi hai tat par
Tam ki umar badhaane waalon! Lau ki aayu ghatane waalon ! (tam-darkness)
Laakh kare patjhad koshish par upvan nahin maraa kartaa hai

Loot liya maali ne upvan
Luti na lekin gandh phool ki
Toofaanon tak ne cheda par
Khidki band na huyi dhool kee
Nafrat gale lagaane waalon! Sab par dhool udaane waalon
Kuch mukhdon ki naaraazee se darpan nahin maraa karta hai

Chip Chip ashru bahaane waalon
Moti vyarth lutane waalon !
Kuch sapnon ke mar jane se jeevan nahin mara karta hai

Gopal Das 'Neeraj'